Benzocaine er útvortis deyfilyf sem notað er í vörur t.d. gegn:
- gyllinæðum
- munnholsvandamálum
- hósta
- fótavandamálum
- bruna
- í sár
Stundum verður ofnæmið til vegna sneringar frá einstaklingi til annars einstaklings sem hefur ofnæmi fyrir því. Þetta deyfilyf afgreiðist án lyfseðis á Íslandi.
Stundum valda lyf í sama lyfjaflokki og benzocaine krossofnæmi (cross reactivity) en þá verður ofnæmissvörun sé komið í snertingu við þau. Stundum er slíkum deyfilyfjum sprautað í líkamann.
Súlfalyf og hárlitunarefnið 4-phenylenediamine geta valdið krossofnæmi hafi maður ofnæmi fyrir benzocaine. Krossofnæmi er einnig þekkt milli benzocaines og PABA (para-aminobenzoic acid) sólarvarnar í sólarvarnarkremum.
Þær starfsstéttir sem eru í aukinni áhættu að fá ofnæmi fyrir benzocaine eru þær sem koma helst í sneringu við ofnæmisvakann eins og t.d. hjúkrunarfræðingar, tannlæknar, lyfjafræðingar, læknar og röntgentæknar.
Varast ber vörur sem innihalda:
- benzocaine
- 4-aminobenzoic acid ethyl ester
- aethoform
- Americaine
- anesthane
- anesthesin
- anesthone
- ethyl 4-aminobenzoate
- ethyl aminobenzoate
- orthesin
- p-aminobenzoic acid ethyl ester
- parathesin
